Қаратау қаласында орналасқан М.Әуезов орта мектебі мен Лицейге кәсіби бағдар беру жұмыстарын жүргізу мақсатында "Ашық есік" күнін өткізді. Кездесу барысында директордың тәрбие ісі жөніндегі орынбасары Индира Қожамбаева 2021-2022 оқу жылына 9-11 сынып базасында күндізгі және қашықтықтан оқыту бөлімдеріне мамандықтар бойынша талапкерлерді оқуға қабылдайтыны туралы айтып өтті. Одан бөлек колледждің оқу- өндірістік базасы, ғылыми- педагогикалық кадрлардың бүгінгі күннің талабына сай жұмыс жасайтынын айтты. Бөлім меңгеруші Нұржан Субинов арнайы мамандықтар бойынша өткізіліп жатқан шаралардың барысымен таныстырса, колледждің өзін-өзі баскару комитетінің басқарушысы Ақнұр Томан өздерінің атқарған жұмыстарын презентация арқылы көрсетіп, түсіндіру жұмысын жүргізді. "Ашық есік" соңында арнайы пән оқытушылары өздері дайындаған бейнероликтерін таныстырып шыкты.
